Ný blogsíða fyrir fjölskylduna á Árbakka 1

Á þessa síðu er hægt að skrá öll minnisatriði sem vert er að muna vegna Árbakka 1 og eins skrifa hvað eina sem hvern langar og vill láta koma fram.

Okkur Evu datt í hug að stofna bloggsíðu, þar sem við gætum skráð það sem við þurfum að muna milli ferða á Árbakka fyrir alla sem ætla að fara þangað.

Núna vorum við að koma að norðan og þá er hægt að geta þess að breyting hefur verið gerð á sjónvarpinu.  Það gekk ekki að hafa ADSL og myndlykil frá símanum og þá ákvað ég að fá myndlykil frá Stöð2 og vita hvort það gengi.  Það er ekki að nota sömu símalínuna og það virðist ganga með myndlyklinum frá Stöð 2.  Reynið þett, og endilega látið vita, skrifið hérna á síðuna hvernig gengur að halda inni interneti um leið og sjónvarpið er notað.  Þeir gleymdu að láta vita hjá Símanum að það er ekki hægt að nota internet og sjónvarp á sama tíma á þessu svæði og þetta er það sem ég hef eytt mörgum klukkustundum í að reyna og hanga í símanum suður og loks núna kemur í ljós að þetta er ekki hægt.  Myndlykillinn frá Stöð2 er fyrir norðan og virkaði hjá okkur, við vorum reyndar ekki mikið að nota þetta en það kemur í ljós þegar ákafir sjónvarpsnotendur mæta á staðinn.

Við áttum mjög góðan tíma fyrir norðan og nutum hvernar mínútu.  Vorum úti að leika við Fróða eða í göngu og kanna nánasta umhverfi, fórum í lengri ferðir og skoðuðum náttúruna.

Gefið komment á hvernig þetta virkar eða hvort þetta virkar, svo má alltaf hringja á milli eða hreinlega tala saman. 

Bestu kveðjur

Mamma